ვიტამინი C კოსმეტიკაში: რისთვის გვჭირდება და როგორ გამოვიყენოთ?

ვიტამინი C შეუცვლელი კომპონენტია ჩვენი ორგანიზმისთვის. იგი ადამიანის ორგანიზმში არ სინთეზირდება, თუმცა სასიცოცხლოდ მნიშვნელოვანია ჩვენთვის. ვიტამინი C -ს დეფიციტი იწვევს იმუნიტეტის დაქვეითებას, კაპილარების კედლების სისუსტეს და ჯანმრთელობის სხვა მრავალ პრობლემას. ვიტამინი C არანაკლებ მნიშვნელოვან გავლენას ახდენს კანის ჯანმრთელობაზე.

ვიტამინი C - კარგად შესწავლილი კომპონენტია და მისი ეფექტურობა სამედიცინო კვლევებით არის დამტკიცებული. ვიტამინი C - ს გამოყენება კოსმეტიკაში ყოველთვის დადებით გავლენას ახდენს კანის მდგომარეობაზე.

კოსმეტიკაში ვიტამინი C - ს ფუნქციები:

ვიტამინი C მოქმედებს ერთდროულად რამდენიმე მიმართულებით:

• მაღალკონცენტრირებული ასკორბინის მჟავა იწვევს ამქერცლ ეფექტს, AHA ამინომჟავების ანალოგიურად, აშორებს კანის მკვდარ, გარქოვანებულ უჯრედებს წმენდს კანს, ანიჭებს მას სიგლუვეს, თანაბარ რელიეფს და ფერს;

• ასტიმულიებს კოლაგენის სინთეზს, ამიტომ ეფექტურად ებრძვის ასაკობრივ ცვლილებებს და აღადგენს დაზიანებულ ზონებს, იდეალურია ანთებითი და გამომშრალი კანისთვის;

• ამცირებს მელანინის წარმოქმნას, პიგმენტაციას, აქრობს ან ამცირებს პოსტაკნეს ნაწიბურებს, ათანაბრებს კანის ფერს და სძენს მას ბრწყინვალებას;

• ამაგრებს სისხლძარღვების კედლებს, ამიტომ მისი გამოყენება კუპეროზის მქონე პაციენტებსაც შეუძლიათ;

• ავლენს ანთებისსაწნააღმდეგო მოქმედებას. ვიტამინი C - ს შემცველ კოსმეტიკურ საშუალებებს კარგად იყენებენ პრობლემური კანის მოვლისთვის;

• ვიტამინი C ძლიერი ანტიოქსიდანტია.

ვიტამინი C - ს გამოყენება ნებისმიერი ტიპის კანის მქონე ადამიანს შეუძლია, მთავარია, ვიცოდეთ ამ პრეპარატის რომელი ფორმა და კონცენტრაცია ავირჩიოთ.

ვიტამინი C - ს ფორმები:

არსებობს ვიტამინი C - ს რამდენიმე ფორმა. თითოეული ფორმულა სხვადასხვანაირად მოქმედებს, ამიტომ რეკომენდებულია, ვიტამინი C - ს შემცველი პრუდუქტი შევარჩიოთ კანის ტიპის და საკორექციო პრობლემის მიხედვით.

1. L-ასკორბინის მჟავა - ვიტამინი C - ს ყველაზე მჟავა ფორმა. თუ მაღალკონცენტრირებულია, შესაძლოა გამოიწვიოს კანის გაღიზიანება და სიწითლე. ეს ფორმა არის ყველაზე ეფექტური, მაგრამ არასტაბილური. L-ასკორბინის მჟავას პრეპარატები არ უნდა გამოვიყენოთ, თუ გვაქვს ნაზი, მგრძნობიარე ან რეაქტიული კანი. ინახება ბნელ, გრილ ადგილას, მაგალითად, მაცივარში;

2. ასკორბილ ფოსფატ ნატრიუმი (Sodium Ascorbyl Phosphate) - ავლენს ანტიბაქტერიულ მოქმედებას, უმკლავდება გამონაყარს და კომედონებს, (Sodium Ascorbyl Phosphate). ვიტამინი C - ს ეს ფორმა ასევე დადებით გავლენას ახდენს არასასურველ პიგმენტაციაზე და პოსტაკნეს ნაწიბურებზე, ებრძვის თავისუფალ რადიკალებს. არ აღიზიანებს კანს, ამიტომ გამოიყენება მგრძნობიარე კანზეც;

3. ასკორბილ პალმიტატი (Ascorbyl Palmitate) ასტიმულირებს კოლაგენის სინთეზს, ავლენს ძლიერ ანტიოქსიდაციურ მოქმედებას და ამაგრებს კაპილარების კედლებს. თითქმის არ ახდენს გავლენას არასასურველ პიგმენტაციაზე;

4. ასკორბილ ფოსფატ მაგნიუმი (Magnesium Ascorbyl Phosphate) – „მუშაობს“ ძალიან ნაზად, ამიტომ კარგად გამოიყენება მგრძნობიარე კანის მოსავლელად. ავლენს ანტიასაკობრივ, გამაღიავებელ და ანტიოქსიდაციურ ეფექტს;

5. ასკორბილ გლუკოზიდი (Ascorbyl Glucoside) - ძალიან ეფექტურია პიგმენტაციის შესამცირებლად, ამაღლებს კანის სიმკვრივეს და ელასტიურობას. შესაძლოა, გამოიწვიოს ეპიდერმისის ოდნავი გაღიზიანება;

6. 3-O ეთილ-ასკორბინის მჟავა (3-O Ethyl Ascorbic Acid) - ძალიან ეფექტური და სტაბილური ფორმაა. ამცირებს ან აქრობს პიგმენტაციას, ასტიმულირებს კოლაგენის სინთეზს, აქრობს შეშუპებას. არ იწვევს კანის გაღიზიანებს, ამიტომ ნებისმიერი ტიპის კანზე გამოიყენება;

7. ვიტამინი C – ს შემცველი მცენარეების ექსტრაქტები. ამ ფორმის ვიტამინი C არანაკლებ ეფექტურია, ვიდრე ზემოთჩამოთვლილი ფორმები. წესისამებრ, ასეთი ექსტრაქტები არ აღიზიანებს კანს, აღიავებს, ათანაბრებს ტონს და ავლენს ანტიოქსიდაციურ მოქმედებას;

ვიტამინი C ძალიან ეფექტური კომპონენტია, მაგრამ აუცილებელია გავითვალისწინოთ გარკვეული თავისებურებები ამ პროდუქტის გამოყენებისას:

• ვიტამინი C - ს მაღალკონცენტრირებული პროდუქტები რეკომენდებულია გამოვიყენოთ საღამოს რუტინაში. დილით გამოვიყენოთ SPF საცხი, რადგან ვიტამინი C ზრდის ეპიდერმისის ფოტომგრძნობელობას;

• სერუმები, რომლებშიც ვიტამინი C - ს შემცველობა მაღალია, სასურველია დავიტანოთ მშრალ კანზე, მათი გაშრობის შემდეგ კი გამოვიყენოთ საცხები აღმდგენი კომპონენტებით: კერამიდებით, ქოლესტეროლით, სკვალანომით;

• თუ სერუმს მეტალის სუნი გაუჩნდა, დაუყონებვლივ უნდა შევწყვიტოთ მისი გამოყენება. ასეთი სუნი ვიტამინი C - ს დაჟანგვის შედეგია.